मा. डॉ. अजितराव सूर्यवंशी विशेष निवासी विद्यालय, विटा

राजमाता महिला बहुउद्देशीय सेवाभावी संस्था, बीड ही मतिमंद, दिव्यांग आणि विशेष गरजा असलेल्या मुलांच्या सर्वांगीण विकासासाठी निस्वार्थीपणे कार्य करणारी एक अग्रगण्य व प्रतिष्ठित संस्था आहे. समाजातील वंचित, उपेक्षित व विशेष मुलांना शिक्षण, संगोपन, पुनर्वसन, सामाजिक समावेशन आणि स्वावलंबन देण्याच्या उद्देशाने या संस्थेची स्थापना 2007 साली करण्यात आली. स्थापनेपासून आजपर्यंत संस्था समाजाच्या सर्व स्तरांमध्ये विश्वासार्हतेने आणि सेवाभावी भावनेने आपले कार्य करत आहे.

संस्थेचे ध्येय केवळ शिक्षणपुरते मर्यादित नसून, मुलांच्या बौद्धिक, सामाजिक, शारीरिक, सांस्कृतिक आणि मानसिक विकासाला चालना देणारे विविध उपक्रम राबविणे हे आहे. विशेष शिक्षक, प्रशिक्षित कर्मचारी, तज्ञ डॉक्टर, समुपदेशक आणि प्रशासकीय टीम यांच्या सहकार्याने ही संस्था गुणवत्तापूर्ण आणि परिणामकारक सेवा पुरवते.

या संस्थेअंतर्गत चालणारी मा. डॉ. अजितराव सूर्यवंशी विशेष निवासी विद्यालय, विटा ही विशेष शाळा म्हणजे संस्थेच्या कार्याचा केंद्रबिंदू आहे. विशेष गरजा असलेल्या विद्यार्थ्यांच्या निवास, भोजन, वैद्यकीय सेवा, उपचार, समुपदेशन, थेरेपी, प्रशिक्षण आणि शिक्षणासाठी आवश्यक असलेली सर्व सुविधा येथे उपलब्ध आहेत. शाळेला 2009 पासून शासनाकडून 100% अनुदान प्राप्त असल्याने विद्यार्थ्यांना विकासासाठी सर्वोत्तम आणि विनामूल्य सुविधा देणे शक्य झाले आहे.